پمز ہسپتال میں روبوٹک سرجری متعارف کرانے کا فیصلہ

اسلام آباد(جی این اے) سرجری کے شعبہ میں انقلابی قدم ،وزارت صحت نے پمز ہسپتال میں روبوٹک سرجری متعارف کرانے کا فیصلہ کر لیا۔
ترجمان وزارت صحت کے مطابق عوام کو طبی اور اعلی معیار کی سہولیات کی فراہمی ہماری ترجیح ہے ۔اسی سلسلے میں ایک ارب چھیالیس کروڑ روپے سے زائد کا پی سی ون منظور کرلیاہے ، روبوٹک سرجری کے علاوہ موجودہ سرجیکل سروسز کو بھی جدید بنائیں گے۔