ماربرگ وائرس کتنا خطرناک؟

راولپنڈی(ویب ڈیسک)ماربرگ  ایک ایسا وائرس ہے جس سےحالیہ برسوں میں سیکڑوں افراد ہلاک ہو چکے ہیں،جن میں سب سے زیادہ تعداد افریقیوں کی ہے۔
یہ انتہائی متعدی بیماری ایبولا سے ملتی جلتی ہے جس کی علامات میں بخار، پٹھوں میں درد، اسہال، الٹی اور بعض صورتوں میں خون کی شدید کمی سے موت واقع ہوجاتی ہے۔
عالمی ادارہ صحت ڈبلیو ایچ او کے مطابق ماربرگ وائرس متاثرہ لوگوں میں اوسطاً نصف کو ہلاک کردیتا ہے جبکہ پہلی وبا کی لہر 24 فیصد سے 88 فیصد مریض ہلاک کردیتی تھی۔
یہ وائرس اچانک شروع ہوتا ہے جس کی علامات میں بخار،شدید سر درد،پٹھوں میں درد شامل ہیں۔جبکہ مذکورہ بالا علامات کے 3 دن بعد درج ذیل شدید علامات ظاہر ہوتی ہیں جیسے پانی کی طرح اسہال،پیٹ میں درد،متلی قے،جسم کے مختلف حصوں سے خون بہنا۔
کچھ لوگ بیمار ہونے کے آٹھ سے نو دن بعد خون کی شدید کمی اور تکلیف کی وجہ سے مر جاتے ہیں۔