بھارت نے ایک اور مشہور پاکستانی گانا چوری کرلیا

ممبئی(شوبز ڈیسک)بھارت نے ایک اور مشہور پاکستانی گانا چوری کرلیا۔
بھارتی فلم انڈسٹری میں پاکستانی گانے چرانے کا رواج بہت پرانا ہے جس کی وجہ سے پاکستانی شوبز اسٹار اظہار ناراضگی کرتےہیں۔اب کی بار گلوکارہ ریشما کا گانا ‘ اکھیاں نو رہن دے’ چرایا گیا ہے جو فلم ‘دو پٹی’ میں فلمایا گیا ہے جو رواں ماہ کی پچیس تاریخ کو نیٹ فلیکس پر ریلیز کیا جائے گا۔
اس فلم میں سینئر اداکارہ کاجول کے علاوہ کریتی سینن ڈبل کردار ادا کریں گی۔اداکار شہیر شیخ بھی اپنی اداکاری کے جوہر دکھائیں گے۔
ریشماں کا گانا چرانے پر اداکار عدنان صدیقی نے شدید الفاظ میں تنقید کی ہے ان کا کہنا تھا کہ ایک کلاسک گانے کے ساتھ برا سلوک کیا گیا، بھارت کوگلوکارہ ریشما جی اور ان کی چھوڑے جانے والی میراث کی عزت کرنی چاہیے۔